ഹജ്ജ് യാത്രാവിവരണങ്ങളുടെ പതിവുശൈലിയില്‍നിന്ന് വേറിട്ടൊരു ആഖ്യാനം. മനസ്സും ശരീരവും ഒന്നിച്ച് താളലയത്തോടെയുള്ള യാത്രയാണ് ഈ പുസ്തകം. കഅ്ബയെ വലയംചെയ്യുന്ന മഹാപ്രവാഹത്തില്‍ ചെറുതുള്ളിയായി ഒഴുകി, മിനയില്‍ അണിചേര്‍ന്ന വെള്ളക്കൊറ്റികളുടെ മഹാസാഗരത്തില്‍ അലിഞ്ഞ്, സ്വത്വബോധത്തിന്റെ പുതുവെളിച്ചത്തില്‍ അറഫാ മൈതാനിയില്‍ പുനര്‍ജനിച്ച് അവസാനിക്കുന്നില്ല ഈ യാത്ര. മദീനയിലെ കുളിര്‍തെന്നലും ഉഹ്ദിലെ ഗദ്ഗദവും അറിഞ്ഞ്, ബദര്‍ രണഭൂമിയില്‍നിന്ന് ഉന്മത്തനായി പൌരാണിക അറബ് സ്മൃതികളിലേക്ക് ഗ്രന്ഥകാരന്‍ പ്രയാണംനടത്തുന്നു. ദേശാടനക്കാരന്റെ സഞ്ചാര കൌതുകം ഉള്‍ച്ചേര്‍ന്ന ഈ വിവരണം ഹജ്ജ് യാത്രയെ ഒരു ഹജ്ജ് കാഴ്ചയാക്കിമാറ്റുന്നു.